Phoebe

Tobey's Photo

2008-11-24T23:33:00.003+08:00

Tobey is a good girl.

期待---新居(一)

2007-02-23T00:36:00.000+08:00

感謝神的安排和看顧,我們將於2月尾至3月頭,可以搬屋.......這段日子,真的很期待....很期待....,因為地方大一點,可讓LumLum有更多的地方四圍活動,我們可以買多部desk top,我有我固定的工作位置..... 農歷新年期間,我們已經Pack好大部份的物品,才發現自己買埋很多物品,我亦藉此機會掉了許多不用的物件,不要的衣服會放環保箱中.......嘩真係誇張!有成4大袋呀!........所以今年新年我一件衫,一對鞋都無買...因為廢事再製造垃圾,又破費.........學吓環保一點,其實執屋真係好辛苦架,搬屋真係幾麻煩,如無必要,都唔好搬啦!

一個看不見的疤痕

2007-01-15T00:24:00.000+08:00

話說於2006年的聖誕前席,小Lum背部生了一個大的懷疑瘤類物體,經手術後原來發現只是水瘤,虛驚一場,並為小Lum的身上再留了記號,縫了七針,經過三個星期的康復,小Lum已經刪了線,今天,她終於可以沖涼了!幫小Lum沖涼這個工作,通常都由我負責,原因不是因為我的手勢特別好,只是我在家中的負擔沒有校監咁重。當我同小Lum沖涼既時候,我十分小心,因怕用力太大,怕令剛做完手術的小Lum疼,當我和小Lum吹毛時,我發現她的傷口位置已完全康復,不過就留下了一條3吋長的小疤痕,沖洗過程足足要45分鐘,雖然是要攪咁耐,但每次看見小Lum好開心，覺得自己沖完涼好乾淨既時候,佢會覺得自己好靚,而且仲會好有禮貌同我Say Thank You!(錫我)!吹完毛之後,她的毛已把好的疤痕蓋得密密,已成看不見的疤痕.......
自從這件事之後,我和校監決定要再好好的照顧小Lum,定期帶她多一些出外活動,行下山,吸下新鮮空氣,希望佢身體好d,開心d!

2007大計

2007-01-10T19:21:00.000+08:00

登登登登!!!踏入新既一年,如果你要問我有什麼大計,我會有壓力,事關對於一個典型的7號仔來說,是真的沒把(計劃)這兩個字放入心中,因為這兩個字,往往帶給我們壓力和悲傷,所以寧願一年又一年的不聞不問的讓年月流走......
不過,最近與石其傾開她的07年度計劃,我有點好奇.....便問她怎樣為自己計劃未來12個月的目標,而她便不厭其煩的解釋給我知道,我聽完佢極力的推介.....我也心存一把熱火,想跟她學習計劃人生.....
我火熱的把計劃寫在我的年歷簿中......不知不覺就把人生最重要的五大項列出目標........
2007年肥脾歷史性最偉大的計劃
靈命-
1.每星期日返8:30
2.每早靈修30
3.每晚為一個身邊的朋友禱告
家庭-
1.每星期返屋企吃飯(雙方父母)
2.隔天一個電話,關心家人
3.兩星期內煮一餐(三菜一湯)晚飯給湯麵食
工作-
1.增強工作能力(eg.剪片技巧,management)
2.每早列下每日工作計劃
3.返工準時
學習-
1.英文方面,5月底前完成2個Level
2.音樂方面,8月底前完成聲樂及樂理考試
3.電腦方面,能練熟AI
身體-
1.每星期定時做三次運動(跑30分鐘/跳舞/做GYM)
2.不要病倒,每天吃一個水果

嘩嘩嘩!Plan完之後,覺得很有壓力,還有點不開心的感覺.......
我想要突破自己的框框,真的真的很難喔!
不過,勇字當頭........一於少理.......向住目標衝呀!

忙裡偷閒

2006-12-06T01:35:00.000+08:00

星期日，由於天氣好好，雖然校監好多野要做，但也不忘忙裡偷閒，我們就帶肥Lum去川龍，食個包飲杯山水茶，川龍位於大帽山腰，這裡的蔬菜很好吃，點心也好新鮮，而肥Lum最喜歡吃雞包仔，我們很喜歡到這裡，因為可以真正享受家庭樂，又可以到郊外吸新鮮空氣。
飲完茶後，我們便帶肥Lum回家，因為我們還要趕下場……. 行馬鞍山

我們一共6人同行,沿馬鞍山郊野公園行到大水井，到達山腰間，這裡可觀看一望無際的西貢海，當日由CM作領隊，全程需3小時來回，程度為一粒星，我們打算下次再行可直攀上馬鞍山山頂….

青青世界

2006-12-06T01:19:00.000+08:00

於2006年11月25及26日，LMWS為我們籌備了一個兩日一夜的訓練及休憩營，今次訓練營位於深圳的青青世界，參加者能享受大自然的景色之餘，也安排了精彩的活動給參加者參與，當中除了有我們成員，亦有來自HKMA成員參與。當日下午同行二十多人到達青青世界酒店後，活動便正式開始了，首先是遊覽樂園內的景點，各參加者一邊遊覽，一邊紛紛努力的忙著拍照，到了這裡除了能好好的親迎大自然，這裡也濃罩著環保意識的氣氛。吃過豐富的晚飯後，一連串精彩而刺激的集體遊戲便正式開始，由指揮帶領下把參加者分成三組，並安排了不同的活動挑戰各隊的團隊精神，合作性，身體協調和體能考驗等。每個活動都有不同的難度和驚險程度，令大家都玩得淋漓盡致。玩過刺激的團隊活動後，各人都挑選出自己剛由下午拍攝的作品，進行攝影比賽，經大會評審決定，是次拍攝比賽得獎者為Sandy 同BoBo奪得。當晚活動過後，大家還樂此不疲的一同到西餐廳吃宵夜呢!
第二天早上，我們參加了登山吐吶，跟著當地教練登山打八段錦，晨運及早餐後，還安排了一個超級無敵兵乓波比賽，給參加者考球技之餘，亦考考大家的智慧，說到考智慧又怎能缺少棋藝格鬥呢!玩過一連串豐富的活動後，我們便乘酒店車到南山午飯及參觀南山書城，各人還滿載而歸呢!

超凡的Rockapella

2006-11-21T01:06:00.000+08:00

近期看了幾個不同類型的音樂會，各有不同的層次，分別係”很差”，”一般”，同”超正”!
還算好彩的是先苦後甜，雖然前兩個show我都不願再作任何評論，不過昨晚去聽既Rockapella一定要提,因為係好正,真係超正….
首先，先講下個program rundown先，真係好!因為歌與歌之間無冷場，快慢歌配合簡報是無間道，使到整個音樂會的觀眾情緒高漲。
另外，論唱功，是國際級，五位成員各有所場，Kevin & John有完美的聲音、Scott是編曲高手亦是團隊中的核心份子、George有厚而帶有磁性的Bass 聲音、Jeff是一個令我看得嘆為觀止的mouth percussion，這五個人走在一起，簡直是唱apella的最高景境!
你們可能認為只看著五個男人，沒有佈景、沒有Orchestra、沒有Live Band，就是齋聽，沒有野睇嗎?….是錯的。他們除了聲靚，harmony好正之外，佢地既performance型式不會齋企or齋坐咁唱，佢地會跳埋舞，走埋位添，簡直係有齊視聽享受!
聽到一半Intermission時，想走去買佢地既CD，但係都俾人買哂啦!Anyways，聽完個show既感覺係好滿足!好耐都未試過咁飽啦!…嘻嘻!係正面果隻!
如欲進一步了解他們可到 http://www.rockapella.com

小玩意

2006-11-18T00:57:00.000+08:00

小女子還上岸之前，一向鍾意買d小玩意獎勵下自己，例如，買下波鞋、買下袋、買下飾物，買CD、買衫等…..不過近依幾年，就忍得住手，無狂買野啦…..，因為有校監睇得好緊，我怕買野俾佢罵…..，呢就好似上星期，My sister係Nippon幫我買了條B記頸巾，校監一見度個價錢，就恨恨的教訓了我幾日…….poor!
不過早兩日，校監話佢公司有優惠，佢就買個小玩意俾我，等我可以去做運動既時候用，講真，未買之前都想擁有，因為一邊聽自己喜歡的音樂，一邊做運動係好有FEEL既，而且又係最新既Model，外型靚仔，又細又輕，好似人地用Blue tooth咁! 我真係好開心，因為校監買玩具俾我!
好!等我明早帶住去做運動先，係依度真係要說聲：『多謝校監!』

唱好音樂

2006-11-15T20:01:00.000+08:00

一般香港人都鍾意去唱K,因為氣氛好,又可以唱自己喜歡既歌,可以享受自己唱歌既感覺,話時話…我都幾鍾意依種FEEL……
上星期六,有一朋友叫我同成班Friend一齊唱K,未去之前那天,我已經在家準備好首飲歌,準備出擊,因為我會好在乎自己唱得好唔好…
到星期六晚,我就有d失望,不是因為我d friend 唔放咪,佢地男聲又唱,女聲又唱,童聲都唱….總之就好似同自己個喉嚨有仇咁….博哂命….我都要寫個服字,但係我覺得最差既係有人唱到五音不全,.連自己都唔知.....
講真,我唱唔唱都無所謂….但係如果唱到咁無質素,就影響唒身邊愛音樂既聽眾,即刻無哂FEEL….
我總覺得要唱好音樂….不是這樣,要練好唱功,就要在練習時候克苦一些，或者嘗試把自己聲量放輕，然後多留意音樂是否與自己唱的一樣…..
不過在K房有咁大聲既擴音器係度，試問點樣細細唱，細細聽呢？
究竟唱K是好還是壞呢?

蘇梅之旅 - 第二天

2006-11-10T01:32:00.000+08:00

蘇梅與香港有時間上的分別，這小島比香港是慢一小時，由於情緒極高漲，我就已經七點鐘起?身啦! 預備好行裝就出發去食早餐，酒店既餐廳環境優美，食物種類同質素同樣有4粒星☆☆☆☆，至於酒店服務…我會俾5粒☆☆☆☆☆。

食飽?湯記就去租車仔啦!我地租?架四門維他奶，都幾Wild feel >0<，我地開車第一時間就去搵油站啦，因為油缸指數幾乎跌到零，我睇地圖，湯記?車。去到油站，個泰仔原來唔識聽英文，我地叫佢入一半，佢就幫我地打爆油缸，我地入完先知道，呢次大獲! 點踩兩日都用唔唒d 油喎! 於是我地打算由果一刻開始，就決定一定要玩哂成個島! 第一個目的地係 …”Tesco”?!又去? 買d水第二個目的地係 … 位於北面既Bo Phut 內的Sunset Beach既Big Buddha，排除宗教，這是一個當地出名既名勝。第三個目的地係 … 北面既Mae Nam內的Bandara Resort & Spa，我地入?人地間酒店扮住客，其實只係想去Mae Nam個Beach游水同曬太陽。游完水曬完太陽已經3點鐘，我同湯記見有d肚餓，輪到我?車去醫肚。 ~小插曲~ 住客去游水通常會取酒店內的毛巾到沙灘的沙灘床曬太陽，那間酒店毛巾是橙色的，而我地帶來的是白色，好彩在中途買了一條Sa-long，但湯記就有d不好意思啦。

第四個目的地係 …”Tesco”?!又去? 只係去食?隔離Mall既Foodcourt食當地食物，價錢好平，平到你唔信，一碗冬陰公麵都係10蚊港紙。食完之後，我地就?車返酒店，事關我地游完海水，都未沖涼。沖完涼就出去自己酒店附近影相，順便Book埋係酒店內的Slvara SPA，因為如果我係入住24小時前Book時間，就會有10% Off，我打算於第四天早上做個SPA，入面既服務員好細心，因為佢俾我慢慢選擇香油同做的方法，仲有佢會記錄你想集中想按的位置，認真服務一流!

時間約5點鐘左右，我地打算繼續?車去南面既沙灘Ban Chaweng Noi既一間Beach Side Seafood 食海鮮，由酒店出發要用約30~40分鐘時間才到達，到達後車就咁泊在路邊，我地行出去沙灘選了一張?坐下。這間餐廳是由湯記的同事Renee介紹，我地叫了一碟用蝦煮的前菜Deep Fried Shrimp、大頭蝦和一隻龍蝦Steam Lobster食，這間餐廳食物好味而且新鮮，價錢亦算平，值得一提的就是隻龍蝦，雖然是蒸，但是內裡有冬陰公湯味，又不會蓋過龍蝦本身的鮮味…真係好好味!

食完之後，我地打算返去Chaweng Beach 市中心附近的店鋪做Foot Massage，市中心越夜越旺，四處都有做Massage既店舖，我地行到街尾就入了一間叫Hi-Class Massage 做腳板按摩，手勢不錯，環境乾淨，一小時收費為港紙50蚊(即250銖)，好底又好舒服! >0< 按完腳都成11點幾，我地就?車返酒店休息，結束第二天的行程。

蘇梅之旅 - 第一天

2006-11-10T01:24:00.000+08:00

今日終於拾起筆桿,寫下上星期去蘇梅的旅程

第一天 (心慌慌)

第一日出發，心情當然興奮，因為一直期待以久的蘇梅五天遊終於出發啦!坐既係Bangkok Airline一架很小很小的小飛機! 只需三小時左右，就到達當地機場，這裡的機場，只是兩間小矛屋，一間是for arrival，另一間是for Departure，十分獨特。湯記第一時間舉起新買的Canon400D 狂影，嘩!原來舉起架單鏡係咁影，真係好爽架!

到目的地時已經四點半，我們乘酒店的車到達酒店，放好行李就第一時間出門口取地圖想到市中心行下，但剛到步人生路不熟，又未租車，唯有由酒店徒步到市中心。嘩! 唔講你唔知，我地都幾好腳骨力，一行行?粒幾鐘，原本想去全島最大既Supermarket "Tesco"入貨，點知睇極地圖都找唔到，而且天又黑，所以唯有搭"篤篤"去，初時司機話要200銖，但我狂壓佢價Two play 100銖，上到車本來就好興奮，因為我講價成功平?一半車費，而且我發現車上面佈滿又紅又綠的小燈泡，真的好吸引! 不料，車行了二十分鐘都未到，條路又越行越黑，街道又靜，我感覺司機唔係好對路，加上途中遇上交通意外，前面有兩架電單車抄車，所以氣氛大為緊張!幸好，我們還可以順利到達"Tesco"，睇下隻錶已經8點半了!怪不得我個五藏廟打哂鼓啦，於是我地不作考慮地入了”MK”食hotpot同無骨燒鵝和泰式燒肉，老實說要食好味hotpot當然都係香港最好食，但無骨燒鵝和泰式燒肉，這店真係無得頂啊!

醫飽個肚後，當然就係掃貨啦，我地買了幾包薯片、幾個冬陰公杯麵和可樂，除了食物，今次到泰國，我地有一重大使命-------就係幫兩位媽咪買藥膏，呢隻野真係好鬼勁，專治肌肉勞損，根骨唔掂，佢好似Deep Cool，不過，有效過曼秀出?隻，個名叫Counterpain Cool，我一口氣就買?五大支，打算俾兩支俾兩個啊媽，擺一支看門口作家備良藥，因為小妹經常周身骨疼，藥膏當Body Cream 用!

掃完貨之後，打算搭返"篤篤"返酒店啦! 不過，一出門口，就有班泰仔圍住我地，唔洗驚，佢地只係撩我搭的士，講好價 (150銖)之後，就去上車啦，點知佢地所講既的士原來唔係的士，只係一部白色Toyota Corolla 仔，真的要說一句…………..生意難做 ! >O<